Fáktalávvu lea áibbas ođđa diehtogáldu sámiid birra.
Fáktalávus almmustuvvet artihkkalat, mat vuođđuduvvet árbevirolaš ja akademalaš dihtui sámiid birra. Artihkkalat bohtet suoma-, eaŋgas- ja sámegillii. Fáktalávvu njulge maid disinformašuvnna, mii leavvá ja lebbejuvvo almmolašvuođas sámiid birra.
Fáktalávvu ii leat searvi iige kollektiiva, muhto almmustahttinlávdi nappo blogga.
Fáktalávus sisdoaluid almmustahttet servodatberošteaddjit, geain lea árbevirolaš ja/dahje akademalaš diehtu sámiid birra. Juohkehaš čállá iehčanasat ja vástida ieš iežas čállosiin.
Fáktalávvu lea rabas ođđa čálliide, geat hálidit buvttadit rivttes, luohttehahtti ja áigeguovdilis dieđu sámiid birra!
Čálli Pirita Näkkäläjärvi lea Jagi sápmelaš 2017. Gova lea váldán Pentti Pieski.
Fáktalávvu 